Գերմանական բանակում արգելվում են պոռնո-դաջվածքները, իրոկեզներն ու մորուքները

1in.am-ը գրում է.

Բունդեսվերի զինվորներին, համաձայն նոր դրես-կոդի կանոնների, արգելվում է անել պիրսինգ լեզվի վրա, պոռնոգրոֆիկ բնույթի դաջվածքներ, ինչպես նաև տեղադրել իմպլանտներ: 

Դաջվածքները թույլատրվում են միայն այն դեպքում, եթե դրանք ծածկվում են հագուստով: 

Արգելքի տակ են հայտնվում այն նկարները, որոնք կրում են «խտրական կամ պոռնոգրաֆիկ բնույթ, ինչպես նաև խախտում են Սահմանադրության արժեքներն ու չափանիշները՝ հայտնում է RIA Novosti-ն: 

Համաձայն կանոնների՝ «մորուքները պետք է լինեն խնամված»: Գլխի մազերը չպետք է հասնեն համազգեստի օձիքին: 

Նորաձև սանրվածքները խրախուսվում են, սակայն սանրվածքը «չպետք է աչքի ընկնի», ինչը բացառում է գլխի վրա իրոկեզը: