Բրազիլիայում սեփականաշնորհվել է 2 օդանավակայան

1in.am-ը գրում է.

Բրազիլական օդանավակայանների սեփականաշնորհման մրցույթում շահել են 2 միջազգային կոնսորցիումներ: Գործարքի ընդհանուր գումարը գնահատվում է 9 մլրդ դոլար՝ հայտնում է vestifinance.ru-ն: 

Կոնսորցիումներից մեկը, որը ներառում է բրազիլական շինարարական Odebrecht ընկերությունն ու սինգապուրյան «Չանգի» օդանավակայանի օպերատորին, Ռիո դե Ժանեյրոյի Galeão միջազգային օդանավակայանի 25-ամյա կոնցեսիայի համար վճարել է 8.24 մլրդ դոլար:

Մյուս կոնսորցիումը՝ Ցյուրիխի օդանավակայանի օպերատորը, Belo Horizonte International Airport-ի 30-ամյա կոնցեսիայի համար վճարել է 780 մլն դոլար: 

Կառավարությունն ակնկալում է, որ կոնցեսիաները կներդնեն 5.6 մլրդ դոլար՝ Ռիո դե Ժանեյրոյի ու 2.4 մլրդ դոլար՝ Բելու Օրիզոնտիի օդանավակայաններում: