«Բորուսիա»-ի ֆուտբոլիստները տարբեր մարզավիճակում են. Կլոպ

1in.am-ը գրում է.

Գերմանիայի առաջնության 18-րդ տուրի «Աուգսբուրգ»-ի դեմ խաղից առաջ Դորտմունդի «Բորուսիա»-ի գլխավոր մարզիչ Յուրգեն Կլոպը հայտնել է, որ խաղին նախապատրաստվելու ընթացքում թիմը բարդությունների է բախվել: Բոլոր ֆուտբոլիստները տարբեր մարզավիճակում են:

«Դեռ ժամանակ կա մինչև խաղը: Տեսնենք, թե ով մեկնարկային կազմում դուրս կգա խաղադաշտ: Բայց կարող եմ վստահեցնել ձեզ, որ հիմնական կազմում տեղ կզբաղեցնեն լավագույնները:

Ցավոք, բոլոր ֆուտբոլիստները տարբեր մարզավիճակում են, ինչը փոքր-ինչ դժվարեցնում է նախապատրաստական աշխատանքների ընթացքը: Բացի այդ, կան նաև վնասվածք ստացած կամ վերջերս ապաքինված ֆուտբոլիստներ:

Հիշեցնենք` «Աուգսբուրգ»-ի դեմ հանդիպումը կկայանա հունվարի 25-ին: