Բանգկոգում հայտարարվել է արտակարգ դրություն

1in.am-ը գրում է.

Թաիլանդի մայրաքաղաքում ներմուծվել է արտակարգ դրության ռեժիմ: Սյն զգալիորեն խստացնում է անվտանգության միջոցառումները՝ կապված ընդդիմության չդադարող բողոքի ակցիաների հետ:

Արտակարգ դրությունը Բանգկոգում կգործի 2 ամիս:

Թաիլանդի Ազգային անվտանգության խորհրդի ղեկավար Փարադորն Փաթանաթաբութը հայտնել է, որ երկրի իշխանությունները նախևառաջ կձեռնարկեն Բանգկոգի փողոցները, կառավարական շենքերը, բանկերը ընդդիմադիրներից «ազատագրելու» փորձեր: Ցուցարարները արգելափակել են նաև մայրաքաղաքի մի շարք գլխավոր խաչմերուկներ:

«Արտակարգ դրությունը մեզ ավելի շատ իշխանություն և լիազորություններ է տալիս, սակայն դա չի նշանակում, որ մենք պետք է հարձակվենք փողոցներում մարդկանց վրա կամ նրանց դիմադրությունը ճնշենք բռնի մեթոդներով: Մենք կկենտրոնանանք նրանց առաջնորդների հետ բանակցությունների վրա»,- ասել է նա:

Իսկ ցուցարարների առաջնորդ Սութեփ Տագուսուբանն էլ, իր հերթին, հայտարարել է, որ չի պատրաստվում իշխանությունների հետ բանակցություններ վարել և մտադիր չէ կատարել նրանց նախապայմանները՝ գրում է ITAR-TASS-ը: