Իսպանական Էստեպոնա քաղաքը զարդարվել է ահռելի չափերի գեղանկարով

1in.am-ը գրում է.

Իսպանիայի հարավային զբոսաշրջային Էստեպոնա քաղաքը դարձել է երկրում փողոցային ամենամեծ գեղանկարի սեփականատերը՝ հայտնում է ITAR-TASS-ը: 

Այն ստեղծելու համար նկարիչ Խոսե Ֆերնանդես Ռիոսից պահանջվել է բնակելի տների 6 ճակատամաս, որոնց վրա նա իրականացրել է իր «Ձկնորսի օրը» անվանումով կտավի մտահղացումը:

Դրա վրա պատկերված է կարթով ձկնորս, որը ափ է քաշում որսված ձուկը: 

Նկարը ստեղծելու համար, որի վրա նկարիչը աշխատել է 3 շաբաթ, նա օգտվել է հատուկ տեխնիկայից: Նա նշել է, որ նման չափերի գործ առաջին անգամ է ստեղծվում Իսպանիայում: