Ջեյմս Քեմերոնը շահել է «Ավատարի» հեղինակային իրավունքը վիճարկող վերջին հայցը

1in.am-ը գրում է.

Ռեժիսոր Ջեյմս Քեմերոնը շահել է «Ավատարի» հեղինակային իրավունքը վիճարկող երեք հայցերից վերջինը՝ հայտնում է The Hollywood Reporter-ը:

Ավելի վաղ Բրայանթ Մուրը պնդում էր, որ Lightstorm Entertainment կինոստուդիան «Ավատարի» ստեղծման համար օգտագործել է իր սցենարները՝ դրանք 1990-ականներին ստանալով ասիստենտից, որն աշխատել է ռեժիսորի հետ «Ճշմարտանման սուտ» ֆիլմում: 

Մերիլենդի դատարանը մերժել է Մուրի կողմից առաջադրված 1 մլրդ դոլարի փոխհատուցման պահանջը: 

Դատարանի կարծիքով՝ Մուրի աշխատանքներում բավականաչափ նմանություն չկա «Ավատարի» սցենարի հետ: Բացի այդ՝ Քեմերոնը կարողացել է դատարանին ներկայացնել ֆիլմի սցենարի վրա աշխատանքի անհերքելի ապացույցներ: 

Քեմերոնը ֆիլմը նկարահանել էր 2009-ին: