Այլընտրանքային հայացք Իրանին. լուսանկարիչը ներկայացնում է՝ ինչպես են իրանցիներն ապրում փակ դռների ետևում (լուսանկարներ)

Tert.am-ը գրում է.

Մոտ 20 տարի շարունակ Իրանի վերաբերյալ լուրերն ու լուսանկարները բավական միօրինակ են՝ փարանջայով կանայք, հրապարակային մահապատիժներ, օտար պետությունների դրոշների ցուցադրական այրում ու միջուկային զենքի մասին խոսակցություններ։

Սակայն հնագույն այս երկրի բնակիչների առօրյան շատ ավելի բարդ է ու բազմազան, քան թվում է առաջին հայացքից։ 

Bigpicture.ru կայքը հրապարակել է իրանցի լուսանկարիչ Հոսեյն Ֆաթեմիի աշխատանքները, որոնք դիտելով՝ կարելի է տեսնել Իրանի հասարակության կյանքի հիմնականում քողարկված հատվածը։

Ֆաթեմին լուսանկարչի իր կարիերան սկսել է 1997թ. , ու այդ ընթացքում արժանացել է բազմաթիվ միջազգային մրցանակների։ Նրա լուսանկարները հրապարակվել են The Times, Newsweek, Paris Match, The New York Times, The Guardian և The Washington Post հեղինակավոր պարբերականներում։

Իրանցի կինը Չեհել Մանբար միջոցառման ժամանակ, որն անցկացվում է  Աշուրայից առաջ՝  Հորեմաբադում։ Ըստ ավանդույթի՝ կանայք ոտաբոբիկ քայլում են քաղաքում ու որոշ վայրերում 40 հատ մոմ վառում։

Իրանցի տղամարդիկ իրավունք չունեն մտնել կանանց գեղեցկության սրահ։ Բնականաբար, նրանք այնտեղ աշխատելու իրավունք ևս չունեն։

Թեև բարեկամական կապեր չունեցող կանանց ու տղամարդկանց արգելվում է իրար հետ շփվել, այնուհանդերձ շատերն անտեսում են այդ արգելքը։

 Փակ համերգ՝ ռոք խմբի մասնակցությամբ։

 Տղամարդկանց արգելվում է նաև կանանց մարզադահլիճ այցելել։

 Աղջիկները բիլիարդ են խաղում տղամարդկանց ժամանցի վայրում, որտեղ իգական սեռի մուտքը խստիվ արգելվում է։ 

 Աղջիկները նարգիլե են ծխում, թեև դա արգելված է անել հասարակական վայրերում։

Իրանում ռոք երաժշտությունն արգելված է, և այս տղաները ծածուկ վայրում նվագում են՝ դիմելով մեծ ռիսկի։

Աղջիկները ծխում են տան պատշգամբում։

Տղան կիթառ է նվագում Շիրազ քաղաքի այգու մոտ։

Ամբողջական հոդվածը կարող եք կարդալ այստեղ