Հնարավոր է՝ Քեյթը և Ուիլյամը սեփական տարբերանշանով սրբիչներ վաճառեն

1in.am-ը գրում է.

Քեմբրիջի դուքսը և դքսուհին գաղտնի հիմնել են կոմերցիոն հիմնադրամ` նպատակ ունենալով պահպանել իրենց ապրանքանիշը: Տվյալ քայլը թագավորական զույգին հնարավորություն կընձեռի վաճառել պաշտոնապես գրանցված ապրանքներ և միջոցներ կիրառել նրանց դեմ, ովքեր անօրինական կերպով օգտվում են իրենց ապրանքանիշերից: 

Սեփական ապրանքանիշը Քեյթին և Ուիլյամին թույլ կտա արտադրել տեքստիլ գործվածք, սպասք, զարդեր և այլն: Քեյթ Միդլթոնի ընկերությունը կրում է CE Strathearn անունը, իսկ Ուիլյամինը` APL Anglesey: 

Արքայազն Հարին ևս գրանցել է սեփական ընկերություն Tsessebe անվամբ: 

Քեյթի և Ուիլյամի օգնականները նշել են, որ վաճառքից ստացված ողջ եկամուտը կտրամադրվի բարեգործությանը: