Կայծակը վնասել է Ռիո դե Ժանեյրոյում գտնվող Քրիստոսի արձանը

Lragir.am-ը գրում է.

Կայծակը վնասել է Ռիո դե Ժանեյրոյում գտնվող Քրիստոսի հանրահայտ արձանը, տեղեկացնում է Ֆրանս Պրեսը: Հունվարի 16-ին քաղաքում ուժեղ փոթորիկ է սկսվել, և կայծակը հարվածել է արձանին՝ պոկելով մատի ծայրը:

Տեղի եկեղեցական ներկայացուցիչ Օսմար Ռապոսոն ասել է, որ հուշարձանի վերականգնումը սկսվելու է հաջորդ ամիս:

Տեղեկացնենք, որ 2007 թվականից հուշարձանը մտնում է «Աշխարհի 7 նոր հրաշալիքների» մեջ՝ ըստ ինտերնետում անցկացված հարցումների տվյալների: