Վատիկանը ՄԱԿ-ին է ներկայացրել մանկապիղծ հոգևորականների դեմ պայքարի ծրագիրը

Lragir.am-ը գրում է.

Վատիկանը ՄԱԿ-ին է ներկայացրել մանկապիղծ հոգևորականների դեմ պայքարի ծրագիրը, տեղեկացնում է Եվրոնյուզը:

«Վատիկանը լրջորեն է մոտենում երեխաների նկատմամբ սեռական բռնության դեպքերին և մտադիր է պայքարել մանկապիղծ հոգևորականների դեմ»,- ասել է արքեպսիկոպոս Սիլվանո Տոմազին: ՄԱԿ երեխաների հարցով հանձնաժողովի 65-րդ նստաշրջանում նա ներկայացրել է միջոցառումների զեկույցը, որոնք ուղղված են երեխաների իրավունքների պաշտպանությանը:

Զեկույցում նշված է, որ երեխաների նկատմամբ բռնությունն արմատախիլ անելու համար Վատիկանը համագործակցելու է պետությունների իշխանությունների հետ, որոնց տարածքում տեղի են ունեցել հանցագործությունները: