Հնդկաստանը Հարավային Կորեային առաջարկում է համագործակցել տիեզերքում

1in.am-ը գրում է.

Հնդկաստանը, որը վերջին ժամանակներս զգալի հաջողությունների է հասել տիեզերքում, Հարավային Կորեային առաջարկում է ակտիվորեն զարգացնել հարաբերություններն այս ոլորտում՝ հաղորդում է ITAR-TASS-ը:

«Մեր առավելությունն այն է, որ կարող ենք ավելի էժան անել այն, ինչ առաջարկում են մեր արտասահմանցի մրցակիցները»,- ասել է Սեուլում Հնդկաստանի դեսպանը:

Նա նշել է, որ Հնդկաստանը և Հարավային Կորեան հիանալի համալրում են մեկը մյուսին, և նրանք շահերի բախում չունեն: Դիվանագետի խոսքերով՝ այժմ Հնդկաստանը համաշխարհային առաջնորդներից մեկն է տեղեկատվական տեխնոլոգիաների և գիտության ոլորտում:

Այս կապակցությամբ նա վստահ է, որ Հնդկաստանը հիանալի գործընկեր կլինի Սեուլի համար, որն ակտիվորեն իրագործում է սեփական տիեզերական ծրագիրը: