Եվրոպան ադրբեջանական գազ կստանա 2019թ.-ից. Независимая газета-ի անդրադարձը

Tert.am-ը գրում է.

Եվրոպական հանձնաժողովը «Շահ Դենիզ- 2» նախագծի վերաբերյալ պաշտոնական փաստաթուղթ է տարածել, որտեղ նշվում է, որ եվրոպացի օգտագործողներն Ադրբեջանից գազ կստանան 2019թ.-ի վերջից, գրում է Независимая газета-ն։

Նշվում է, որ Հարավային գազային միջանցքը, որը շրջանցելու է Ռուսաստանը, կազմված է լինելու Անդրանատոլիական գազատարից (TANAP), որն անցնում է Թուրքիայի տարածքով, և Անդրադրիատիկ գազատարից (TAP)՝ Հունաստանով ու Ալբանիայով դեպի Իտալիա։

TAP-ի սկզբնական հզորությունը կազմելու է տարեկան 10 մլրդ խորանարդ մետր՝ մինչև 20 միլիարդ խորանարդ մետր ընդլայնվելու հնարավորությամբ։

Բաքուն արտոնել է «Շահ Դենիզ» հանքավայրի շահագործման վերաբերյալ «Փուլ-2» նախագիծը՝ 28 մլրդ դոլարի սահմաններում։

Այդ նախագծի շրջանակներում արդյունահանված գազի 62.5%-ը նախատեսվում է ուղարկել եվրոպական շուկա։ Համաձայն նախագծի՝ «Շահ Դենիզ» հանքավայրի շահագործման երկրորդ փուլից գազի արդյունահանումը կսկսվի 2018թ.-ի վերջին։

Ամբողջական հոդվածը կարող եք կարդալ այստեղ