Life.panorama.amի զրուցակիցը դերասան Արսեն Լևոնյանը, ով այսօր հանդես է
գալիսԱրմենիա հեռուստաընկերությամբ հեռարձակվող «Հարազատ թշնամի»
հեռուստասերիալում `Տանոյի կերպարում.
-Նախ խոսենք Ձեր նոր կերպարի մասին: Սերիալում դերասանին փոխարինելու առաջարկն ինչպե՞ս եղավ:
-Շատ պատահական… Այնպես էր, որ ես որոշ ժամանակ առաջ թատրոնից դուրս էի եկել և այդ մի քանի ամսվա ընթացքում գործունեությամբ զբաղված չէի… Զանգահարեցին «Արմենիա» հեռուստաընկերությունից, գնացի հանդիպման ու առաջարկ ստացա… Համաձայնեցի միայն մի պայմանով՝ կերպարը կկերտեմ ինչպես ինքս եմ պատկերացնում…
-Սերիալին հետևո՞ւմ էիք, ծանո՞թ էիք կերպարին:
-Մինչ այդ չեմ հետևել, բայց երբ պետք է նկարահանվեի՝ ամբողջ օրը նստել եմ տանը ու նայել՝ մոտավոր հասկանալու համար… Նաև իմ մտերիմ ընկերները, ովքեր վաղուց են այդ սերիալում հանդես գալիս, բավական պատմել էին…
-Իսկ ի՞նչն էր պատճառը, որ որոշեցիք կերպարի տեսակն ամբողջովին փոխել:
-Անիմաստ կլիներ ժողովրդին «խաբել», որ ես նույնն եմ, ու խաղալ այնպես, ինչպես նախորդ դերակատարը… Նամանավանդ, որ կերպարը՝ Տանոն, վիրահատության չի ենթարկվել… Խելքին մոտիկ չէր լինի…
-Կարելի՞ է ասել, որ դուք նման եք Ձեր կերտած Տանոյին:
-Քիչ թե շատ՝ այո… Ես էլ քայլերիս մեջ հանգիստ եմ, չշտապող… Չպետք է մարդուն միանգամից «վրա տաս», կամ էլ, եթե պետք է՝ ժամանակին…
-Մինչ նկարահանման սկսելը՝ նախկին դերակատարի՝ Նարեկ Ներսիսյանի հետ հանդիպում, զրույց, կարծիքների փոխանակում եղե՞լ է:
-Ասեմ, որ Նարեկը շատ շնորհքով, տաղանդավոր տղա է, դեռ ուսանող տարիներից միմյանց հետ շփվել, ընկերություն ենք արել… Այո, հանդիպել ու բավական զրուցել ենք…
-Արսեն, դուք Ստանիսլավսկու անվան թատրոնի դերասան էիք: Ասացիք, որ դուրս եքեկել: Ինչո՞ւ:
-Անձնական է… Թատրոնն իմ կյանքում ամենակարևոր ու գլխավոր դերերից մեն է ունեցել: Թատրոնը դերասանի համար ես համարում եմ կին… Այդպես եմ ընկալում…
-… Այլ թատրոնում աշխատանքը շարունակելու նպատակ չունե՞ք:
-Ունեմ, առաջարկներ էլ կան, պարզապես դեռ պետք է կողմնորոշվեմ… Հիմա կենտրոնացած եմ սերիալի վրա: Եթե մի քանի բան անեմ՝ խիտ գրաֆիկով, կարող է լավ հանդես չգամ…
-Իսկ այլ առաջարկներ ունե՞ք, թե դրանք ևս պետք է սպասեն սերիալի ավարտին…
Առաջարկ եմ ունեցել Հանրային հեռուստաընկերությունից, բայց ասացի, որ «Արմենիայում» եմ և գնալ չեմ կարող: Ի դեպ, էպիզոդիկ կերպարով նկարահանվել եմ ռուսական «Ստրելոկ» ֆիլմում: Ֆիլմերի առաջարկներից շատ խոսել չեմ ուզում, քանի որ դեռևս հստակ որոշումներ չկան… Ասեմ, որ Արմենիա TV-ն շուտով նոր նախագիծ կներկայացնի, որում հանդես են գալու դերասան ու երգիչ… Ինձ ևս առաջարկել են, բայց դեռ մտածում եմ, չգիտեմ…
-Եթե առաջարկն ընդունեք և մասնակցեք, գիտե՞ք, թե ում հետ եք հանդես գալու:
-Դեռ ոչինչ չգիտեմ… Ողղակի ասացին, որ լավ եմ երգում, ցանկալի է մասնակցեմ…Բայց այնքան էլ տրամադրված չեմ…