Vkontakte-ն ներառվել է համաշխարհային սոցցանցերի թոփ 10-ում

1in.am-ը գրում է.

Vkontakte-ն ներառվել է աշխարհի խոշորագույն սոցցանցերի տասնյակի մեջ և դարձել Եվրոպայից միակ համացանցային ծառայությունը: Վարկանիշային աղյուսակը հրապարակվել է Adobe ընկերության կայքում: 

Vkontakte-ն՝ 228 մլն գրանցված օգտատերերով, զբաղեցրել է 8-րդ տեղը՝ շրջանցելով հայտնի Instagram և Foursquare ծառայություններին:

Վարկանիշային աղյուսակում առաջատարը Facebook-ն է: Այնտեղ գրանցված են առնվազն 1.4 մլրդ օգտատեր, որոնցից միայն 160 մլն-ը՝ ԱՄՆ-ից:

Երկրորդ տեղում է Youtube պորտալը, որն ունի ավելի քան մեկ միլիարդ օգտատեր:

Վարկանիշային աղյուսակում են ներառվել նաև Twitter-ը, Google+-ը և LinkedIn-ը: