Սիրիայի հակակառավարական ուժերի միջև մարտերում 482 մարդ է զոհվել
15:31 , 10 հունվար, 2014
Lragir.am-ը գրում է.
Սիրիայում ընդդիմադիր խմբավորումների միջև մարտերում վերջին շաբաթվա ընթացքում զոհվել է մոտ 500 մարդ: Այս մասին գրում է The Daily Star-ը՝ հղում անելով Լոնդոնում գտնվող մարդու իրավունքների սիրիական կենտրոնի տվյալներին:
Մարտերը տեղի են ունեցել ապստամբների և ծայրահեղական «Իրաքի և Լևանտի իսլամական պետություն» խմբավորման միջև:
Ըստ կազմակերպության տնօրեն Ռամի Աբդել Ռահմանի՝ ապստամբների միջև մարտերի ընթացքում զոհվել է 85 խաղաղ բնակիչ, 157 իսլամիստ և ապստամբ խմբավորումների 240 անդամ՝ ընդհանուր 482 մարդ: