Դանիայում սահմանափակվել է հակադեպրեսանտների կիրառությունը

1in.am-ը գրում է.

Այն բանից հետո, երբ երիտասարդ դանիացին ինքնասպան եղավ հակադեպրեսանտի օգտագործումից հետո, Դանիայում խստացվել է այդ դեղամիջոցների տրամադրումը 18-24 տարեկան երիտասարդներին՝ հայտնում է ITAR-TASS-ը: 

20-ամյա Դանիլո Տերիդան մահացել էր 2012-ի վերջին՝ այն բանից հետո, երբ 11 օր ընդունել էր սերտրալին, որը նրան դուրս էր գրել բժիշկը հեռախոսազրույցի ժամանակ: 

Դրանից հետո Դանիայի առողջապահության գործակալությունը որոշեց սահմանափակել այդ դեղամիջոցների կիրառությունը:

Այսուհետ 25-ից փոքր տարիքի հիվանդները համապատասխան դեղամիջոցը ստանալու համար պետք է անցնեն հատուկ թեստ ու առնվազն 25 րոպեանոց 2 հարցազրույց՝ բժշկի հետ: