Օրական 4 բաժակ սուրճը չի ջրազրկում օրգանիզմը. գիտնականներ

1in.am-ը գրում է.

Բրիտանացի գիտնականները չեն կարողացել կապ գտնել սուրճի չափավոր օգտագործման ու օրգանիզմի քրոնիկական ջրազրկման միջև: Դեռևս 20-րդ դարի սկզբին բացահայտվել էր կոֆեինի թույլ միզամուղ հատկությունը: Այս մասին տեղեկացվում է PLoS One ամսագրում հրապարակված հոդվածում՝ հաղորդում է RIA Novosti-ն: 

Բիրմինհեմի համալսարանից Սոֆի Կիլերը ու նրա գործընկերները, ուսումնասիրելով կամավորների 2 խմբի աշխատանքը, պարզել են, որ սուրճի «ջրազրկող» հատկությունը չի համապատասխանում իրականությանը: Առաջին խումբը 3 օրվա ընթացքում օրական խմել է 4 բաժակ սուրճ, իսկ մյուսը՝ 4 բաժակ ջուր: 

10 օր անց նրանք փոխվել են «դերերով», ու գիտնականները համեմատել են ցուցանիշները՝ փորձելով գտնել օրգանիզմի ջրազրկման հետքեր: 

Գիտնականներին չի հաջողվել ապացույցներ գտնել առ այն, որ օրական 4 բաժակ սուրճ օգտագործելը հանգեցնում է օրգանիզմի զգալի ջրազրկման: