Հնդիկները երկու օրվա ընթացքում 10 հարկանի շենք են կառուցել` առանց քարի ու ցեմենտի

1in.am-ը գրում է.

Հնդկաստանում կառուցված 10 հարկանի շենքը հայտնվել է թերթերի առաջին էջերում: Շինությունը կառուցվել է ընդամենը 48 ժամվա ընթացքում: Մոխալի քաղաքում կառուցված տան շինարարությունը սկսվել է ուրբաթ 16:30-ին և ավարտվել շաբաթ: 

Գործարար Հարպալ Սինգհը՝ Synergy Thrislington ընկերության ղեկավարը, խոստացել է, որ Instacon անունով շենքը կկանգնեցվի 48 ժամվա ընթացքում: 

Հիգշաբթի երեկոյան աշխատակիցները գցել են շինության հիմքը, իսկ ուրբաթ Synergy Thrislington-ի ղեկավարը տեսել է, թե ինչպես են շինարարներն ավարտին հասցնում յոթերորդ հարկը: 

Շաբաթ 16:30-ին ավարտվել է 10-րդ հարկի կառուցումը, սակայն պատուհաններն ու դռները դեռ չէին տեղադրվել:

Ավելի քան 200 բարձրակարգ բանվորներ, տեխնիկներ, ինժեներներ ներգրավված են եղել շինության կառուցման գործում:

«Մենք հավաքված նյութեր ենք օգտագործել, այդ թվում 200.000 տոննա պողպատ: Ի դեպ, մեզ քարեր ու ավազ պետք չի եկել, քանի որ կիրառել ենք պենոպլաստով լցված պանելներ: Այդ պանելների առավելությունը ջերմամեկուսացումն է, երկարակեցությունը և էկոլոգիական մաքրությունը»,- պատմել է Հարպալ Սինգհը: 

Նա պատմել է, որ այդ գաղափարն իր սեփական տունը կառուցելիս է ծագել: