Լոնդոնի քաղաքապետը Մեծ Բրիտանիայի փոխվարչապետին անվանել է «պահպանակ»

1in.am-ը գրում է.

Լոնդոնի քաղաքապետ Բորիս Ջոնսոնը հերթական վիրավորանքն է ուղղել Մեծ Բրիտանիայի փոխվարչապետ Նիկ Քլեգի հասցեին՝ գրում է The Guardian-ը:

Պարբերականի տեղեկություններով՝ Բորիս Ջոնսոնը LBC-ի եթերում լիբերալ-դեմոկրատների ղեկավարին անվանել է «պահպանակ»՝ ասելով, որ Նիկ Քլեգը «կատարում է շատ կարևոր արարողակարգային գործառույթ»՝ վարչապետ Դևիդ Քեմերոնին «բոլոր բարդ բաներից» պաշտպանելու համար: 

Նույն հարցազրույցում Բորիս Ջոնսոնը քաղաքական գործչին անվանել է «անվճռականությունից ու անկայունությունից տատանվող ժելե»: 

Պարբերականը հիշեցնում է, որ ավելի վաղ Ջոնսոնը երկրի փոխվարչապետին անվանել էր «դեղին ալբատրոս», ինչպես նաև «Սահմանադրության փոքրիկ դեկորատիվ մաս»: