Ի դեմս Սուսաննա Պետրոսյանի՝ մեր շոուբիզնեսը կարող է «փրկվել»

Սուսաննա Պետրոսյան. այս անուն-ազգանունը, իհարկե, շատերին բան չասեց, բայց վստահ եմ, որ նկարը հաստատ ձեզ հիշեցնել կտա նրա մասին: 
Երեկ ես լսել եմ Սուսաննա Պետրոսյանի կենդանի կատարումը ու մինչև հիմա տպավորված եմ: Այս փոքրիկ ու նրբիկ աղջկա մեջ, թե ոնց է տեղավորվել այդպիսի հզոր ու գրավիչ ձայնը, ես այդպես էլ չկարողացա հասկանալ: 
Մեր երգարվեստը այսօր ճահճացել ա, մեր «շոուբիզում» այսօր բոլոր «աստղերը» կրկնվող են: Գիտե՞ք՝ ինչն է պատճառը. իմ կարծիքով պատճառը այն է, որ շոուբիզի «գելերը» թույլ չեն տալիս նման անհատներին երևալ ու ապացուցել, որ եղած արտիստների դարաշրջանը անցել է, ու մարդիկ հոգնել են նրանցից: 
Ես զարմանում եմ, թե մրցանակաբաշխություն կատարող որևէ կազմակերպության որևէ ներկայացուցիչ չգիտի՞ Սուսաննայի տեղը: Չէ գիտեք, գիտեն, ուղղակի եթե Լիլիթը, Հայկոն, Անդրեն կամ մնացած հայտնիները չլինեն, ապա, ըստ իրենց, մրցանակաբաշխությունը անիմաստ է: 
Ես միայն մեկ բան կարող եմ ասել. «Հարգելի մրցանակաբաժանողներ, ուշադիր նայեք կողքներդ, բացի ստանդարտ ու կրկնվող «աստղերից», մենք` հայերս, ունենք հիասքանչ երիտասարդ երգչուհիներ, որոնց պետք է ի հայտ բերել, որով և կբարձրացնեք հանրության ուշադրությունը ձեր հանդեպ»:
Ավելացնեմ, որ նրա նման տաղանդավոր երիտասարդներ շատ կան: