Կառլա Բրունին չեղյալ է հայտարարել Կանադայում կայանալիք համերգները՝ տոմսերի ցածր պահանջարկի պատճառով

1in.am-ը գրում է.

Ֆրանսիայի նախկին առաջին տիկին ու երգչուհի Կառլա Բրունին չեղյալ է հայտարարել Կանադայում կայանալիք 2 համերգները՝ տոմսերի ցածր պահանջարկի պատճառով, հայտնում են ֆրանսիական ԶԼՄ-ները: 

Լրագրողների տվյալներով՝ ապրիլի 23-ին Օտտավայում ծրագրված համերգին այս պահի դրությամբ ամրագրված է մոտ 100 տոմս:

Ինչպես հայտնում է AFP-ն, չեղյալ կհայտարարվի նաև ապրիլի 21-ին Քվեբեկում նախանշված համերգը: 

Բրունիի շրջագայությունը սկսվել է 2013թ. աշնանը: Երգչուհին մտադիր է հանդես գալ ոչ միայն Ֆրանսիայում, այլև Շվեյցարիայում, Բելգիայում, Լյուքսեմբուրգում, Ավստրիայում, Գերմանիայում, Կանադայում: