Ռուսաստանի առաջնության 2 ֆուտբոլիստներ` «Բորուսիա»-ի ուշադրության կենտրոնում
12:22 , 8 հունվար, 2014
1in.am-ը գրում է.
Ռուսաստանի Պրեմիեր Լիգայի երկու ֆուտբոլիստներ հայտնվել են Դորտմունդի «Բորուսիա»-ի ուշադրության կենտրոնում:
«Известия-ի տեղեկությունների համաձայն` գերմանական ակումբի սկաուտները մի քանի անգամ Ռուսաստան են եկել և հետևել ԲԿՄԱ-ի 25-ամյա հարձակվող Սեյդու Դումբիայի ու «Ռուբին»-ի 24-ամյա հարձակվող Սալոմոն Ռոնդոնի խաղին:
«Բորուսիա»-ի ղեկավարներն ակտիվացրել են Ռոբերտ Լևանդովսկիին փոխարինող փնտրելու աշխատանքները, ով, հիշեցնենք, ընթացիկ մրցաշրջանի ավարտից հետո տեղափոխվելու է Մյունխենի «Բավարիա»:
Ընթացիկ մրցաշրջանում Դումբիան 11 հանդիպումներում 9 գոլ է խփել: Ռոնդոնն իր ակտիվում 12 գոլ է գրանցել` 19 խաղերում: