ՄԻԵԴ-ի որոշմամբ՝ իտալացիների երեխաները կարող են կրել մոր ազգանունը

1in.am-ը գրում է.

Մարդու իրավունքների եվրոպական դատարանը բազմամյա դատավարությունից հետո պարտավորեցրել է Իտալիային չեղյալ հայտարարել օրենքը, համաձայն որի՝ ամուսինները կարող են երեխային տալ միայն հոր ազգանունը: Այս մասին հայտնում է BBC-ն:

Նման որոշման հիմքում եղել է իտալացի ամուսնական զույգի գործը: Զույգը 13 տարի ձգտել է հասնել նրան, որ իրենց երեխաները կարողանան կրել մոր ազգանունը: 

Որոշման մեջ ասվում է, որ օրենքը նահապետական է, խտրական և խախտում է մարդու իրավունքները:

Համաձայն ստրասբուրգյան դատարանի որոշման՝ Իտալիան պետք է չեղյալ հայտարարի օրենքը առանց որևէ փոխհատուցում տրամադրելու այն ամուսիններին, ովքեր նախկինում պարտվել են այդ գործով բոլոր ատյաններում: