Էլեկտրոնային ծխախոտների նիկոտինը՝ լուրջ թունավորումների պատճառ. ԶԼՄ-ներ

1in.am-ը գրում է.

2013թ. Շվեդիայում գրանցվել է էլեկտրոնային ծխախոտներում առկա նիկոտինից թունավորման 29 դեպք: 

Դա գրեթե 10 անգամ ավելի շատ է, քան 2012թ.: Թույների մասին տեղեկության շվեդական կենտրոնի (SPIC) տվյալով՝ նիկոտինից թունավորվածների մեկ երրորդը երեխաներ են՝ գրում է The Local-ը: 

Էլեկտրոնային ծխախոտները ունեն սովորական ծխախոտների տեսք, սակայն ծխախոտի փոխարեն ներսում կան փոքրիկ տաքացուցիչ և, այսպես կոչված, «ծխախոտային հյութ»՝ հեղուկ, որը պարունակում է նիկոտին:

Շվեդիայում պաշտոնապես արգելվել է «ծխախոտային հյութը», սակայն այն հնարավոր է պատվիրել համացանցով, իսկ այն օգտագործողների թիվը մշտապես աճում է՝ նշում է պարբերականը: