Ռոնալդուն իր գոլերը նվիրեց Էյսեբիոյի հիշատակին (տեսանյութ)

Lurer.com-ը գրում է.

Ինչպես արդեն տեղեկացրել ենք, Իսպանիայի առաջնության 18-րդ տուրում` «Սելտայի» դեմ հանդիպմանը, Մադրիդի «Ռեալի» առաջատար Կրիշտիանու Ռոնալդուն դուբլ է ձևակերպել:

Ֆուտբոլիստն իր գոլերը նվիրել է պորտուգալական ֆուտբոլի լեգենդ Էյսեբիոյի հիշատակին:

«Այս գոլերս ձեզ եմ նվիրում, Էյսեբիո: Դուք միշտ կմնաք իմ սրտում»,-թվիթերյան իր էջում գրել է ֆուտբոլիստը:

Նշենք, որ դուբլի շնորհիվ Ռոնալդուն իր կարիերայում խփած գոլերի քանակը հասցրեց 400-ի: 353-ը պորտուգալացին հեղինակել է ակումբային խաղերում, իսկ  47-ը՝ հավաքականի կազմում: