«Եվրատեսիլից» շարունակում են հրաժարվել ավելի ու ավելի շատ երկրներ. ԶԼՄ-ներ

1in.am-ը գրում է.

Մայիսին Կոպենհագենում կայանալիք «Եվրատեսիլ- 2014»-ից շարունակում են հրաժարվել ավելի ու ավելի շատ երկրներ՝ արդեն հրաժարվել է 12 երկիր: Լյուքսեմբուրգին, Խորվաթիային, Չեխիային, Սլովակիային, Անդորրային հետևել է Բուլղարիայի հայտարարությունը՝ հայտնում է korrespondent.net-ը: 

BNT ազգային հեռարձակող ընկերության ներկայացուցիչները հայտնել են, որ երկիրը չի մասնակցի մրցույթին ֆինանսական պատճառով: 

Թուրքիայում հայտարարում են, որ իրենց մասնակիցները չեն վերադառնա մրցույթ 2014-ին, սակայն բացառված չէ, որ երկիրը մասնակցի մոտակա տարիներին: Այս մասին հայտարարել են TRT հեռարձակող ընկերության ներկայացուցիչները: Բոսնիա և Հերցեգովինան մրցույթ չեն վերադառնա հովանավորի բացակայության պատճառով՝ հայտնել են BHRT-ի ներկայացուցիչները: 

Ֆինանսական պատճառներով իր մասնակցությունը չեղյալ է հայտարարել նաև Սերբիան՝ տեղեկացնում է ազգային RTS հեռարձակողը: 

Տնտեսական ճգնաժամի պատճառով մրցույթին այս տարի չեն մասնակցի նաև Կիպրոսի ներկայացուցիչները: 

Պետք չէ սպասել նաև Մոնակոյի ու Մարոկկոյի վոկալիստների ելույթին, որոնք հայտարարել են, թե մտադիր չեն վերադառնալ մրցույթ: 

Սլովակիայի RTVS հեռարձակողը որոշել է, որ «Եվրատեսիլին» մասնակցությունը իրենց ուժերից վեր է: