65 տարեկանից հետո բրիտանուհիների մոտ հակումն ալկոհոլի նկատմամբ մեծանում է. գիտնականներ

1in.am-ը գրում է.

Միացյալ Թագավորությունում թոշակային տարիքի յուրաքանչյուր 7-րդ կին ալկոհոլ է օգտագործում շաբաթական առնվազն 5 անգամ՝ հայտնում են բրիտանացի սոցիոլոգները:

Ըստ հետազոտության արդյունքների՝ տարիքին զուգընթաց տարեց բրիտանուհիների մոտ հակումն ալկոհոլի նկատմամբ մեծանում է: 25-44 տարիքային խմբում միայն կանանց 5 տոկոսն է կանոնավոր կերպով ալկոհոլ օգտագործել՝ գրում է The Daily Mail-ը: 

Բժիշկները նախազգուշացնում են, որ թոշակային տարիքում պետք է կրկնակի կրճատել օգտագործվող ալկոհոլի քանակը, քանի որ տարիքի հետ օրգանիզմն ավելի դժվարությամբ է պայքարում ոգելից խմիչքների կիրառման հետևանքների դեմ:

Թոշակային տարիքի մարդկանց հետ աշխատանքի հարցերով փորձագետ Ռոս Ալտմանը պատմել է, որ շատերը չեն հետևում խորհրդին, քանի որ կարիերայի ավարտից հետո նրանք ցանկանում են վայելել կյանքը:

Վիճակագրական տվյալները վկայում են, որ իրավիճակն արական սեռի ներկայացուցիչների դեպքում ավելի վատ է, քան կանանց: 65-ից բարձր տարիքի ջենթլմենների մոտ 25 տոկոսն ալկոհոլ է օգտագործում շաբաթական առնվազն 5 անգամ: