Վարդան Պետրոսյանը տեղափոխվեց դատարան, որտեղ որոշվելու է նրա կալանքի երկարացման հարցը

Shamshyan.com-ը գրում է.

Քիչ առաջ ոստիկանության Կոտայքի մարզային վարչության ուղեկցող դասակի ծառայողները Կոտայքի մարզի ընդհանուր իրավասության Եղվարդի նստավայրի դատարան բերեցին սիրված ու ճանաչված դերասան Վարդան Պետրոսյանին: Ինչպես դատարանից հայտնում է ֆոտոլրագրող Գագիկ Շամշյանը, քիչ հետո նշված դատարանում ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ, ոստիկանության մայոր Դավիթ Մարտիրոսյանը միջնորդություն է ներկայացնելու, որպեսզի դատարանը ևս 2 ամսով երկարացնի Վ. Պետրսյանի խափանման միջոց կալանքը: Ֆոտոլրագրողը հայտնում է, որ դատական նիստին ներկա են փաստաբաններ Ռուբեն Բալայանը, ով պաշտպանում է ավտովթարի հետևանքով մահացածների շահերը և Նիկոլայ Բաղդասարյանը, ով պաշտպանում է Վ. Պետրոսյանի շահերը: Այս պահին դռնփակ դատական նիստը սկսվել է, որը նախագահում է դատավոր Յուրի Բաղդասարյանը, իսկ դատարանի բակում հավաքվել են մեծ թվով ԶԼՄ-ների ներկայացուցիչներ, Վ. Պետրոսյանի համակիրներ, դատարանի բակում է նաև դերասանի որդին՝ Հայկ Պետրոսյանը: 

http://shamshyan.com/cms_attachment/QLjvvXbgafRmU8WIFITe_tn.jpg

Ամբողջական հոդվածը կարող եք կարդալ այստեղ