Եգիպտոսում ցուցարարները հրկիզել են Ալ Ազհար համալսարանի 2 շենք

Lragir.am-ը գրում է.

Եգիպտոսում արգելված «Մուսուլման եղբայրներ» շարժման աջակիցները հրկիզել են իսլամական Ալ Ազհար համալսարանի երկու շենքեր, տեղեկացնում է BBC-ը: Հրդեհը բռնկվել է բիզնեսի և գյուղատնտեսության ֆակուլտետների շենքերում ոստիկանության և ուսանողների միջև սկսված բախումից հետո:

Երկրի մի շարք վայրերում տեղի ունեցած բախումների հետևանքով 3 մարդ է զոհվել:

Տեղեկացնենք, որ Ալ Ազհարը սուննի իսլամական խոշորագույն համալսարանն է և վերջին ամիսներին դարձել է ոստիկանության և իսլամիստ ուսանողների բախման թատերաբեմ: