Ուրուգվայի նախագահը ապշեցրել է մարդկանց՝ պաշտոնական միջոցառմանն ի ցույց դնելով մերկ ոտքերը

1in.am-ը գրում է.

Ուրուգվայի նախագահ Խոսե Մուխիկան զարմացրել է հասարակությանը իր էքստրավագանտ վարքով: 

Ինչպես հայտնում են լատինաամերիկյան ԶԼՄ-ները, երեկ երկրի ղեկավարը հայտնվել է էկոնոմիկայի նոր նախարարի պաշտոնն ստանձնելու արարողությանը կարճացված շալվարով, իսկ ոտաբոբիկ ոտքերին կրել է սանդալներ:

Նրա լուսանկարը՝ արարողակարգի բոլոր կանոններով հագնված պաշտոնյաների կողքին նստած, հրապարակել էին շատ ԶԼՄ-ներ:

Նախագահի ազատ հագուկապը ակտիվորեն քննարկվել է սոցցանցերում ու բլոգներում:

Մուխիկայի արարողակարգի ծառայությունը չի ներկայացրել բացատրություններ: 

Մուխիկան Ուրուգվայը ղեկավարում է 2010-ից: