Հնդկաստանի հյուսիսում փախստականների ճամբարներում մահացել է 34 երեխա
15:29 , 27 դեկտեմբեր, 2013
1in.am-ը գրում է.
Հնդկաստանում փախստականների ճամբարներում մահացել է առնվազն 34 երեխա: Ճամբարները ստեղծվել են մի քանի հազար մարդու համար, որոնք ստիպված են եղել լքել իրենց տները՝ Ութար-Փրադեշ նահանգում հինդուիստների և մուսուլմանների միջև բախումների պատճառով:
Ինչպես հաղորդում է BBC-ն՝ վկայակոչելով տեղի իշխանություններին, Մուզաֆարնագար շրջանի հինգ ճամբարներում մինչև հիմա բնակվում է 4783 մարդ:
Կառավարական հանձնաժողովի զեկույցում նշվում է, որ մահացած բոլոր երեխաները 12 տարեկանից փոքր են եղել: Հնդկական ԶԼՄ-ների փոխանցմամբ՝ նրանց մահվան պատճառը սաստիիկ ցուրտը և դիզենտերիան է:
Սեպտեմբերին Ութար-Փրադեշ նահանգում տեղի ունեցած միջէթնիկական բախումների հետևանքով զոհվել է 65 մարդ: