Հալեպի հրետանային ռմբակոծման արդյունքում հայուհի է զոհվել

1in.am-ը գրում է.

Հալեպում դեկտեմբերի 25-ին հայկական Սուլեյմանիե ու Նոր գյուղ թաղամասերի հրետանային ռմբակոծման արդյունքում հայուհի է զոհվել: Այս մասին հայտնել է Հալեպում հայ առաքելական եկեղեցու Բերիո թեմի մամուլի ծառայությունը՝ նշելով, որ կնոջ ազգանունը Մուսալլին է եղել:

Հրետանային ռմբակոծման արդյունքում կան վիրավորներ, որոնց թվում՝ ուսանողներ Անի Դանիելյանն ու Արա Արամյանը: Բարեբախտաբար նրանց կյանքին վտանգ չի սպառնում: Տուժածները հիվանդանոցում են: