Արքայազն Ջորջն Ամանորին որպես նվեր կստանա իր հայրիկի խաղալիքները

1in.am-ը գրում է.

Էլիզաբեթ II-ի ծոռը, 6 ամսական արքայազն Ջորջը Ամանորին նորաձև էլեկտրոնային սարքերի փոխարեն կստանա իր հայրիկի՝ արքայազն Ուիլյամի հին խաղալիքները: Ավելի վաղ արքայազն Ուիլյամը հայտարարել էր, որ իր առաջնեկին թանկ էլեկտրոնային խաղալիքներ չի գնի, այլ կտա իր հները: Այս մասին հայտնում է ITAR-TASS-ը:

Խոսքը ձեռքով պատրաստված փայտե ձիու, զինվորիկների և ավստրալական պարկավոր առնետներ հիշեցնող ֆիգուրների մասին է: 

Միացյալ թագավորությունում իշխող Վինձորների արքայատոհմը հայտնի է տնային տնտեսության վարման ծայրահեղ օգտավետությամբ: Այսպես, ԶԼՄ-ները հայտնում են, որ թագուհու ամուսինը՝ Էդինբուրգի դուքս Ֆիլիպն իբրև թե նույն կոստյումը հագնում է 40 տարի, իսկ թագուհին քնում է կարկատած սպիտակեղենով: