Աշտարակում կայանված բեռնատարում գտել են վարորդի դին

1in.am-ը գրում է.

Արտակարգ իրավիճակների նախարարություն այսօր՝ ժամը 14.28-ին, տեղեկություն է ստացվել, որ Աշտարակի խճուղում՝ Քասախ գյուղի մոտակայքում կայանված բեռնատարի մեջ գտնվող վարորդը չի արձագանքում. անհրաժեշտ է փրկարարների օգնությունը:

ԱԻՆ լրատվական ծառայությունից «Առաջին լրատվական»-ին հայտնում են, որ դեպքի վայր են մեկնել մեկ մարտական հաշվարկ և ՃԿԿ օպերատիվ խումբը:

Հրշեջ-փրկարարները բացել են «ՄԱՆ» մակնիշի ZYG535 պետհամարանիշով բեռնատար ավտոմեքենայի դուռը և հայտնաբերել Վրաստանի Հանրապետության քաղաքացի Զ. Ա.-ի (ծնվ. 1963թ.) դին: