Սաակաշվիլին ծրագրել է կրկին այցելել Ուկրաինա

1in.am-ը գրում է.

Վրաստանի նախկին նախագահ Միխեիլ Սաակաշվիլին Facebook սոցիալական ցանցի իր էջում գրել է, որ շուտով կրկին կարող է այցելել Ուկրաինա ` հաղորդում է «Նովոստի Գրուզիա»-ն:

Սաակաշվիլին ափսոսանք է հայտնել Ուկրաինայի իշխանությունների որոշման կապակցությամբ, ըստ որ արգելվել է Վրաստանի նախագահի մուտքը Ուկրաինա, սակայն համոզված է, որ շուտով կրկին կկարողանա այցելել այս երկիր:

«Ցավում եմ, ամենայն հավանականությամբ, մոտակա շաբաթներին հնարավորություն չի լինի այցելել իմ երկրորդ հայրենիք` Ուկրաինա, սակայն իմ սիրտն ու հոգին կլինեն իմ ուկրաինացի եղբայրների և քույրերի հետ, որոնք պայքարում են անկախության, իրենց ազատության և իրենց արժանի եվրոպական ապագայի համար»,- գրել է Սաակաշվիլին:

Միևնույն ժամանակ նախկին նախագահը վստահ է, որ ինքը կրկին հնարավորություն կունենա այցելել Կիև, որտեղ եղել է դեկտեմբերի սկզբին և իր աջակցությունն է հայտնել «եվրոմայդանին»: