Սիրիան տենդեր է հայտարարել ալյուր գնելու համար

 Lragir.am-ը գրում է.

Սիրիայի պետական գնումների գործակալությունը տենդեր է հայտարարել Իրանի տրամադրած վարկի միջոցով 50 հազար տոննա ալյուր ձեռք բերելու համար, գրում է The Daily Star-ը:

Դեկտեմբերի ընթացքում սա երկրորդ տենդերն է, որ հայտարարվում է իրանական միջոցների հաշվին: Դեկտեմբերի 17-ին մրցույթ էր տեղի ունեցել շաքարավազ, բրինձ, ալյուր, ձեթ և այլ մթերքներ ձեռք բերելու համար:

Ալյուր վաճառողները պետք է վճարումն ընդունեն իրանական վարկի միջոցով, որը ձեռք է բերվել Սիրիայի Առևտրային բանկի և Իրանի արտահանման զարգացման բանկի միջև համաձայնության արդյունքում: