Քեմերոնը ներկա չի գտնվի Սոչիի Օլիմպիադային

1in.am-ը գրում է.

Մեծ Բրիտանիայի վարչապետ Դևիդ Քեմերոնը հայտարարել է, որ չի ժամանի Սոչիի Օլիմպիադային: Այս մասին հաղորդում է The Indenpendent-ը:

Պարբերականը նշում է, որ Քեմերոնի որոշումը կապված չէ Ռուսաստանում մարդու, մասնավորապես սեռական փոքրամասնությունների իրավունքներին չհետևելու հետ:

«Վարչապետը հավատում է դիվանագիտական և փոխազդեցության քաղաքականությանը: Նա չի համարում, որ շատ բաների կարելի է հասնել բոյկոտի և կոշտ միջոցառումների միջոցով»,- ասել է աղբյուրը:

Սոչիի Օլիմպիադային ժամանող բրիտանական պատվիրակության կազմում կլինեն սպորտի և մշակույթի նախարարները: Սակայն պատվիրակության վերջնական կազմը դեռևս հստակեցված չէ: