Գևորգ Ղազարյանը կհեռանա Շախտյորից

Armsport.am-ը գրում է.

Հայաստանի հավաքականի եւ Կարագանդայի «Շախտյորի» կիսապաշտպան Գեւորգ Ղազարյանը կարող է փոխել ակումբը: Այս մասին տեղեկացնում է sports.kz-ն:

Armsport.am-ին հայտնի դարձավ, որ Ղազարյանն առաջարկներ ունի ղազախական եւ ռուսական մի քանի թիմերից: Մինչեւ 2014 թվականի հունվարի 10-ը պարզ կդառնա, թե որտեղ է կարիերան շարունակելու 25-ամյա ֆուտբոլիստը:

Հիշեցնենք, որ նոյեմբերին Ղազարյանը երկու տարվա պայմանագիր էր կնքել «Շախտյորի» հետ, որտեղ հայտնվել էր այս տարվա ամռանը: Ֆուտբոլիստի տրանսֆերը պատկանում էր Դոնեցկի «Մետալուրգին», իսկ վերջին ամիսներին Ղազարյանը Կարագանդայում հանդես էր գալիս վարձավճարով: