Լիտվայի նախագահը չի մասնակցի Սոչիի Օլիմպիադային` քաղաքական դրդապատճառներից ելնելով

1in.am-ը գրում է.

Լիտվայի նախագահ Դալյա Գրիբաուսկայտեն քաղաքական պատճառներից ելնելով՝ չի մասնակցի Սոչիի 2014 թ. օլիմպիակա խաղերին` հաղորդում է ITAR-TASS-ը:

Նախագահը չի հստակեցրել` արդյոք խաղերին կժամանի՞ Լիտվայի պաշտոնական պատվիրակությունը, թե՞ ոչ:

«Քաղաքական հնարավորություն չեմ տեսնում Սոչիում կայանալիք Օլիմպիադային մեկնելու համար»,- ասել է Գրիբաուսկայտեն` նշելով, որ նման որոշման է եկել՝ հաշվի առնելով ստեղծված իրավիճակը:

Նախագահի խոսքերով` իր որոշումը պայմանավորված է մի քանի գործոններով, այդ թվում՝ մարդու իրավունքների ոտնահարմամբ, «Արևելյան գործընկերության» և Լիտվայի հանդեպ Ռուսաստանի վերաբերմունքով: