Դա ուղղակի խայտառակություն է. Ռիբերին՝ ՖԻՖԱ-ի որոշման մասին

1in.am-ը գրում է.

Մյունխենի «Բավարիա»-ի կիսապաշտպան Ֆրանկ Ռիբերին դժգոհ է, որ ՖԻՖԱ-ն երկարաձգել է աշխարհի լավագույն ֆուտբոլիստի քվեարկության ժամկետը:

Հիշեցնենք, որ ժամկետը երկարաձգվել էր մինչև նոյեմբերի 29-ը:

«Նման բան առաջին անգամ է տեղի ունենում: Դա ուղղակի խայտառակություն է: Ամեն դեպքում, ես չեմ վախենում և հանգստություն եմ պահպանում: Քրիշտիանու Ռոնալդուի մասին չեմ խոսել թիմակիցներիս հետ: Իսկ ինչու՞ պետք է անեի դա:

Ինձ համար միևնույնն է՝ կմասնակցի նա մրցանակի հանձնման հանդիսավոր արարողությանը, թե ոչ»,- հայտարարել է Ռիբերին: