Քայլարշավ Երևանում. Ձմեռ պապերն ընդդեմ պարտադիր կուտակայինի (տեսանյութ)

1in.am-ը գրում է.

Այսօր Ազատության հրապարակից մեկնարկել էր Ձմեռ պապերի բողոքի երթը՝ ընդդեմ պարտադիր կենսաթոշակային կուտակային համակարգի: 

Երթին մասնակցել են 25-ից ավել Ձմեռ պապեր: Ընդդեմ կենսաթոշակային պարտադիր 5% վճարին քաղաքացիական նախաձեռնության անդամները տեղեկացրել են, որ Լապլանդիայից Ձմեռ պապեր են եկել, որպեսզի իրենց բողոքի ձայնը բարձրացնեն՝ ընդդեմ պարտադիր բաղադրիչի: 

Ձմեռ պապերը քայլարշավով շարժվել են Երևանի փողոցներով և մարդկանց թռուցիկներ են բաժանել, որոնց միջոցով մարդկանց իրազեկել են, որ 2014 թվական ենք թևակոխում մեր սահմանադրական իրավունքների ոտնահարմամբ և ավելի ցածր աշխատավարձերով: 

Ակտիվիստները թռուցիկների հետ միասին, քաղաքացիներին են բաժանել նաև կոնֆետներ: