Ձյունը կարոտած աշխարհ է գալիս

18:50 , 14 դեկտեմբեր, 2013

Ձյունը կարոտած աշխարհ է գալիս,

Ձյունը չի հոգնում անհոգ տեղալուց,

Սառչում է դրսում կանգնած պատանին,

Մի ցուրտ մեղեդի մերթընդմերթ սուլում:

Ու նա չգիտի` ինչեր կան գրված

Ու չի կարդացել գրքեր գեղեցիկ,

Հոգու մեջ բազում հատորներ պահած`

Սուլում է իր ցուրտ, տխուր մեղեդին:

Ձյունը կարոտած աշխարհ է գալիս,

Ձյունը չգիտի հոգսը պատանու,

Սառչում է մի խեղճ,անտուն ընկեցիկ`

Մերթընդմերթ մի ցուրտ մեղեդի սուլում: