Փինքն արժանացել է «Տարվա կին» տիտղոսին

1in.am-ը գրում է.

Billboard ամսագիրն ամերիկացի երգչուհի Փինքին շնորհել է «Տարվա կին 2013» պատվավոր տիտղոսը: 

Մրցանակը հանձնվել է երեքշաբթի օրը՝ Նյու Յորքում կայացած Billboards Women in Music հատուկ մրցանակաբաշխությանը:

Իր սիրելի կնոջն աջակցելու է եկել նրա ամուսին Քերի Հարթը: 

Մինչ Փինքը շնորհակալական ելույթ էր արտասանում, ամուսինը Twitter-ում գրել է. «Այնպես եմ հպարտանում կնոջովս: Դա պետք է վաղուց տեղի ունենար: Նա արժանի է դրան»:

Հիշեցնենք, որ Փինքը Billboard-ի մրցանակին այս տարի արժանացել է երաժշտության ասպարեզում մեծ հաջողությունների համար: Երգչուհին թողարկել է Truth about Love ալբոմը, որը մեծ հաջողություն է վայելում երաժշտասերների շրջանում: