Անտոնիո Բանդերասը կմարմնավորի Հռոմի պապին

1in.am-ը գրում է.

Պրոդյուսեր Պետրո Վալսեչչին ծրագրում է Անտոնիո Բանդերասին հրավիրել նկարահանվելու Հռոմի պապի կյանքի մասին պատմող ֆիլմում, որտեղ պետք է ներկայացվի մինչ կարիերայի բարձրակետը հասնելը նրա անցած ուղին, հայտնում է The Hollywood Reporter-ը: 

Վալսեչչիի Taodue կինոստուդիան Իտալիայում ամենահայտնին է: 

Վերջերս տված հարցազրույցում նա հայտարարել էր, թե ցանկանում է ֆիլմ նկարահանել Հռոմի պապ Ֆրանցիսկոսի կյանքի վաղ տարիների մասին ու որպես գլխավոր դերակատար տեսնում է Անտոնիո Բանդերասին: 

Դերասանը, սակայն, դեռ ոչ մի կերպ չի մեկնաբանել այս հայտարարությունը:

Պետրո Վալսեչչիի ֆիլմը Ֆրանցիսկոսի մասին առաջին կինոնկարը կլինի: