Կառավարությունը չընդունեց «Պետական կենսաթոշակների մասին» օրենքում փոփոխության մասին առաջարկս

Առաջարկել էի «Պետական կենսաթոշակների մասին» օրենքում փոփոխությունների նախագծում ներառել այսպիսի սկզբունք:  

  «Սույն օրենքով սահմանված կարգով վճարվող պետական կենսաթոշակի չափը չի կարող պակաս լինել Հայաստանի Հանրապետության Ազգային վիճակագրական ծառայության հրապարակած՝ աղքատության վերին ընդհանուր գծից: ՀՀ Պետական բյուջեի մասին օրենքով միջոցներ են նախատեսվում աղքատության վերին ընդհանուր գծից ցածր պետական կենսաթոշակի տարբերությունը աղքատության վերին ընդհանուր գծի հետ` փոխհատուցելու համար: Որպես հաշվարկային ընդունվում եւ Բյուջեի նախագծի հիմքում դրվում է՝ ընթացիկ բյուջետային տարում հրապարակված աղքատության վերին ընդհանուր գիծը»: Կառավարությունը չընդունեց առաջարկը: