Եվրամիությունը 1 միլիոն եվրո կտրամադրի Հայաստանի միջուկային անվտանգության մշակույթի ձևավորման համար
12:13 , 8 դեկտեմբեր, 2013
Ecolur.org-ը գրում է.
ՀՀ կառավարությունը դեկտեմբերի 5-ին համաձայնություն տվեց ՀՀ կառավարության և Եվրոպական Միության միջև «Աջակցություն միջուկային ոլորտը կարգավորող հայաստանյան մարմնին (ՄԿՀՄ)» ծրագրի ֆինանսավորման համաձայնագրի կնքման առաջարկությանը: Ինչպես տեղեկացնում է ՀՀ կառավարության պաշտոնական կայքը, ծրագրի հիմնական նպատակներից է ՄԿՀՄ-ի, վերջինիս տեխնիկական աջակցություն տրամադրող կազմակերպության (ՏԱԿ) և միջուկային և ռադիացիոն անվտանգության աջակցության կենտրոնի (ՄՌԱԱԿ) հզորացումը: Ակնկալվում է, որ ծրագրի արդյունքոում հավելյալ արևմտյան մեթոդաբանություն և գործելակերպ կներմուծվի նախանշված բնագավառները: Ծրագրի ընդհանուր արժեքն է 1 մլն եվրո, իրականացման ժամկետը` 96 ամիս: Ողջ գումարը տրամադրելու է Եվրոպական Միությունը: