Սաակաշվիլին ելույթ է ունեցել Կիևի Մայդանում

1in.am-ը գրում է.

Կիևի կենտրոնում գտնվող Անկախության մայդանում ելույթ է ունեցել Վրաստանի նախկին նախագահ Միխեիլ Սաակաշվիլին, ով իր աջակցությունն է հայտնել Ուկրաինայի եվրաինտեգրմանը: 

«Ոչինչ չի կարող հակազդել ազատության մեր ձգտմանը»,- հայտարարել է նա իր խոսքում՝ հավելելով, որ ուկրաինացիները ճիշտ ընտրություն են կատարել դեպի եվրաինտեգրման ճանապարհը: 

Նա Մայդանում զբոսնել է ցուցարարների մեջ: Նրա կողքին եղել են Վրաստանի ազգային դրոշով փաթաթված մարդիկ: 

Կարճ զբոսանքից հետո Վրաստանի նախկին նախագահը պատասխանել է լրագրողների հարցերին և հեռացել: 

Ավելի վաղ տված մամլո ասուլիսում Սաակաշվիլին հատարարել էր, որ Ուկրաինա է ժամանել որպես մասնավոր անձ, որպեսզի քաղաքական ճգնաժամի պահին սատարի ուկրաինական ժողովրդին: