Ադրբեջանը և ԵՄ-ն ստորագրել են այցագրի ռեժիմի դյուրացման համաձայնագիր

1in.am-ը գրում է.

Ադրբեջանը և Եվրամիությունը ստորագրել են այցագրի ռեժիմի դյուրացման մասին համաձայնագիր:

Փաստաթուղթը ստորագրվել է այսօր՝ Վիլնյուսում «Արևելյան գործընկերության» գագաթնաժողովի շրջանակներում:

Այցագրի ռեժիմի դյուրացումը կվերաբերի առաջին հերթին գիտաշխատողներին, ուսանողներին, պետական պաշտոնյաներին, անձանց, որոնք ԵՄ են մեկնում բուժման, մշակութային, հումանիտար միջոցառումներին մասնակցելու նպատակով:

Հիշեցնենք, որ Ադրբեջանի պատվիրակությունը գագաթնաժողովին գլխավորում է երկրի ղեկավար Իլհամ Ալիևը: