Շոտլանդիային չեն ընդունի ԵՄ. Իսպանիայի վարչապետ

1in.am-ը գրում է.

Իսպանիայի վարչապետ Մարիանո Ռախոյը դեմ է Շոտլանդիայի՝ ԵՄ անդամակցությանը, եթե այդ երկրի բնակիչները քվեարկեն անկախության օգտին՝ հայտնում է BBC-ի ռուսական ծառայությունը:

Նա հիշեցրել է ԵՄ կանոնների մասին, ըստ որոնց՝ եթե ԵՄ անդամ երկրի որևէ մաս դառնում է անկախ, այն մնում է միության կազմից դուրս:

Շոտլանդիայի անկախության հարցով հանրաքվեն նշանակված է 2014-ի սեպտեմբերի 18-ին: Եթե քաղաքացիները քվեարկեն Միացյալ Թագավորության կազմից դուրս գալու օգտին, Շոտլանդիային ԵՄ ընդունելու համար կպահանջվի միության անդամ բոլոր 28 երկրների համաձայնությունը:

Վերլուծաբանների կարծիքով՝ Իսպանիայի վարչապետի հայտարարությունը քողարկված նախազգուշացում է Կատալոնիայի ինքնավար շրջանին, որտեղ տեղական իշխանությունները ևս ուզում են անկախության հարցով հանրաքվե անցկացնել: