Բրիտանացի մարզիկները, ավելի կոնկրետ Ուորիկ Համալսարանի թիավարների տղամարդկանց թիմը երկակի քաջություն է ցուցաբերել: Մարզիկները որոշել են մերկանալ՝ առաջին հերթին անտեսելով ցուրտ եղանակային պայմանները, և երկրորդ՝ իրենց այս քայլով աջակցություն ցուցաբերել սեռական փոքրամասնություններին:
Արդեն հինգերորդ տարին է, որ այս թիմի մարզիկները մերկանում են տղամարդկանց մարմնի բարեմասնությունները ներկայացնող օրացույցերի համար: Այս օրացույցերի վաճառքից ստացված գումարները ուղղվում են սեռական փոքրամասնությունների հանդեպ կիրառվող խտրականությունների և հոմոֆոբիայի դեմ պայքարին ուղղված դասընթացների և միջոցառումների կազմակերպմանը:
